Pasku di Resurekshon - Banko di Palabra

Pasku di Resurekshon (sustantivo)

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu. Pasku di Resurekshon, tambe Pasku Grandi (na ingles: Easter; hulandes:Pasen; spaño:Pascua) ta e fiesta sentral di kristianismo, ku ta konmemorá e resurekshon di Hesukristu riba e di tres dia despues di su krusifikashon. E ta dura dos dia i ta wòrdu selebrá riba un diadumingu i un djaluna. Pasku Grandi ta marka e fin di e "siman santu", den kual ta konmemorá e morto i resurekshon di Hesus i alabes ta inisiá un periodo di 50 dia terminando ku Pentekòster. E dianan di Pasku Grandi, inkluso e dianan di fiesta ku ta akoplá na esaki, no ta kai riba un dia fiho sino ta dianan movibel. E selebrashon di Pasku di Resurekshon ta riba e promé diadumingu ku ta bin despues di e promé luna yen riba dia 21 di mart òf despues. Esei kier men ku ta selebrá esaki den luna di mart of aprel; posibelmente entre dia 22 di mart i dia 25 di aprel.

Fuente: Wikipedia na Papiamentu

Glosbe ta un dikshonario internashonal, klek riba e siguiente konekshon: Pasku di Resurekshon

Pa mira e palabra aki usá den konteksto den e biblioteka digital (por ehèmpel den buki i artíkulo), klek riba e siguiente konekshon: Pasku di Resurekshon